श्री. खांतीलाल दोशी अध्यक्ष, श्री. बिपीन शाह उपाध्यक्ष, श्री. दीपक भाते - उपाध्यक्ष, श्री. उन्मेष कुलकर्णी - सरचिटणीस, कै. अकबर शेख सहचिटणीस, श्री. भरत शहा - खजिनदार, सभासद श्री. प्रविण राऊत, श्री. राजा ठाकूर, श्री. जीवन शेलार, श्री. मिलिंद भाते, श्री. नंदकुमार सुर्वे, श्री. सुनिल निंबकर, श्री. भद्रेश शहा, श्री. मनोहर निमकर, श्री. विक्रम फडके, श्री. ललीत पाटील, श्री. बकुल गजेरा, श्री. पंकज शहा, श्री. विलास पाटील, श्री. बिपीन पाटील, श्री. रमाकांत पाटील श्री. अरूण जाधव, श्री. चंद्रकांत बाबर, श्री. प्रशांत किणी, श्री. अनंता कुडू, कु. मुक्ती फडके, कु. वैशाली राऊत (नवले), कु. अरुणा कोटीयन, श्री. महेश शिंत्रे, श्री.नितीन गावकर, कु. मनिषा चव्हाण, कु. दिप्ती शहा (गाडे), श्री. यशवंत घरत निमंत्रित, डॉ.नेताजी पाटील - निमंत्रित, श्री. ह. श. भाते - निमंत्रित, श्री. पु. त्र्य करांडे - निमंत्रित
नव्याने स्थापन झालेल्या अस्थायी समितीने शाळेचे मुख्याध्यापक व संस्थेचे
पदाधिकारी ह्यांच्याशी चर्चा करून शाळेसमोरील अडचणी व समस्या जाणून घेतल्या
व शाळेस माजी विद्यार्थी संघामार्फत कशी व कोणत्या प्रकारे मदत करता येईल
ह्याचा उहापोह केला.
सन १९९८-९९ या वर्षात माजी विद्यार्थी संघाने विशेष लक्ष देऊन राजगुरू
ह.म.पंडित विद्यालयाच्या इमारतीची डागडुजी, प्लास्टरींग, पाच वर्गांना लाद्या बसविणे,
गच्चीवरील कोबा बनविणे, पंडित विद्यालयाच्या इमारतीची आतून बाहेरून रंगरंगोटी
करून देणे इ.कामे सुमारे अडीच लाख रूपये खर्च करून पूर्ण करून दिली. या
कामी अनेक माजी विद्यार्थ्यांनी पैसा व वस्तुंच्या रूपाने मदत केली.
सन २०००-२००१ मध्ये राजगुरु ह. म. पंडित विद्यालयाच्या स्वच्छतागृहाचे
नुतनीकरण व वाढ करतांनाही माजी विद्यार्थी संघातर्फे माजी विद्यार्थी श्री.प्रविण म.
राऊत, श्री. मिलिंद ह. भाते व रमेश चं. कोटी यांनी एकत्रितपणे सुमारे एक लाख
रूपये खर्चुन पुरेशा मुताऱ्या व संडास वाढविण्यात आले. त्याच स्वच्छतागृहास
जोडून शासकिय अनुदानातून बांधण्यात आलेल्या गोबरगॅस प्लांटचा खड्डा खडकाळ
जमिनित खोदण्यासाठी माजी विद्यार्थी संघाने रु.५०,०००/- एवढा खर्च केला.
तसेच माजी विद्यार्थी श्री. वालजी देवजी शहा आणि लखमशी देवजी शहा
यांच्या कुटुंबियांनी राजगुरू ह.म.पंडित विद्यालयाला एक वर्ग बांधून दिला. इंग्लिश
मिडियम स्कूलच्या इमारतीसाठी पंडित हायस्कूलचे माजी विद्यार्थी श्री. इंद्रमल जैन
व श्री.शोभालाल राठोड बंधु तसेच श्री. घासीलाल मगनलाल कुटुंबियांनी आर्थिक
सहकार्य मिळवून दिले. तसेच श्री. खांती दोशी व श्री. शांती शहा यांनी आपल्या पिताश्रींच्या स्मरणार्थ इंग्रजी माध्यमाच्या शाळेचे कार्यालय व स्टाफरूम बांधण्यासाठी
आर्थिक मदत केली.
पालघर तालुक्याच्या तेव्हाच्या आमदार व राज्यमंत्री मा. सौ. मनिषाताई
निमकर यांनीही शाळेस आपल्या आमदार निधीतून सुमारे दोन लाख रूपये निधी
उपलब्ध करून दोन वर्ग बांधून दिले. अर्थात ही सर्व कामे आपल्या सारख्या माजी
विद्यार्थ्यांनी शाळेबाबतच्या प्रेमातून केलेल्या मदतीमुळेच होऊ शकली.
ग्रामिण शिक्षण संस्था, सफाळे व राजगुरू ह.म. पंडित विद्यालय, सफाळे
यांच्या सुवर्ण महोत्सवी वर्षात संस्थेने "सुवर्णमहोत्सवाची वाटचाल" ही ७६ पानी
स्मरणिका प्रसिद्ध केली. या स्मरणिकेच्या छपाई खर्चासाठी आपल्या माजी विद्यार्थी
संघाने मोठे आर्थिक सहाय्य केले. त्यामुळे या स्मरणिकेत एकही जाहिरात न घेता
संस्थेने ७६ पानी स्मरणिका माजी विद्यार्थ्यांच्या आर्थिक सहाय्यातून छापली. याच
सुवर्ण महोत्सवी वर्षात ग्रामिण शिक्षण संस्था व आपल्या माजी विद्यार्थी संघाने
संयुक्तरीत्या दि. २७/०४/२००८ रोजी माजी विद्यार्थी व शिक्षकांचे स्नेहसंमेलन
आयोजित केले होते. त्यात पंडित हायस्कूलच्या सर्व माजी शिक्षकांचा सत्कार
करण्यात आला. या स्नेहसंमेलनात वर्गवार संमेलने भरवण्याचा हेतू होता. पण
अपेक्षेपेक्षा उपस्थिती कमी होती. उपस्थित माजी विद्यार्थ्यांनी शाळेच्या उत्कर्षासाठी
काय करता येईल याची मांडणी आपल्या भाषणांत केली. मार्च १९८१ च्या एस.एस.सी.
बॅचच्या वतीने बोलताना सौ. मनिषा राऊत (चौबळ) हीने आपल्या बॅचमार्फत
शाळेस एक वर्ग बांधून देण्याचे आश्वासन दिले. तर मार्च १९७७ च्या बॅचतर्फे श्री.
मिलिंद भाते यांनी इंग्रजी माध्यमाचे शाळागृहात नाट्यगृह उभारून देण्याचे आश्वासन
दिले. माजी शिक्षक श्री. दास्ताने सर, श्री. सि.म. पाटील सर इ.ची प्रेरणादायी
भाषणे झाली. सर्वांनीच माजी विद्यार्थी संघाच्या वाटचालीस शुभेच्छा दिल्या.
माजी विद्यार्थी संघातर्फे सदर कामे सुरू असतानाच सदर समितीने माजी
विद्यार्थी संघाच्या कार्यात नवीन माजी विद्यार्थ्यांना संधी मिळावी म्हणून नवीन
समिती नेमण्याचे ठरविले व त्यानुसार १६ नोव्हेंबर २००८ रोजी नूतन कार्यकारिणी
नेमण्यात आली.